Partia Demokratike e Kosovës (PDK) dhe Nisma Socialdemokrate kanë nënshkruar një marrëveshje për zgjedhjet lokale që do të mbahen më 12 tetor në Komunën e Lipjanit.
Sipas marrëveshjes, Nisma Socialdemokrate nuk do të garojë me kandidat për kryetar të komunës, por do ta mbështesë kandidaturën e Shukri Bujës nga PDK. Ndërsa për Kuvendin Komunal, Nisma do të marrë pjesë me listën e saj të veçantë.
Në kumtesën e publikuar theksohet se ky bashkëpunim mbështetet mbi kontributin e përbashkët të dy subjekteve në zhvillimet politike e shoqërore, përfshirë edhe angazhimin në periudhën e luftës.
Zgjedhjet lokale në Lipjan zhvillohen më 12 tetor.
COMMENTS