Federata Botërore e Futbollit (FIFA) ka dhënë leje që portieri i Manchester City Arijanet Muriq, të mbrojë ngjyrat e përfaqësueses së Kosovës.
Kjo i jep të drejtë portierit shumë të talentuar të paraqitet ndaj Maltës.
Tani selektori i Kosovës Bernard Challandes, ka më shumë zgjedhje për “gardianin e portës”, shkruan top-channel, përcjellë Klan Kosova.
Kosova do të takohet me Maltën të shtunën me 17 nëntor në stadiumin “Fadil Vokrri” në Prishtinë, dhe tri ditë më pas përfaqësuesja e Kosovës do të udhëtoj për në Valeta për t’u takuar kundër Azerbajxhanit.
Këto dy ndeshje do të përcaktojnë fatin e Kosovës në Ligën e Kombeve, teksa mundësitë për ta mbyllur grupin 3 në vendin e parë janë të mëdha.
Kjo do t’i siguronte ekipit të trajnerit Challandes, kalimin në Ligën C për edicionin e ardhshëm, si dhe pjesëmarrjen në gjysmëfinalet e Ligës D për këtë edicion.
COMMENTS