Pas fitores së Manchester Unitedit 2-1 ndaj Evertonit në fundjavë, Jose Mourinho i bëri thirrje Paul Pogbas ta ndryshojë stilin e ekzekutimit të penalltive dhe francezi u pajtua pa menduar shumë.
“Unë gjithmonë tentoj ta destabilizoj portierin, mbase ata e dinë sesi i gjuaj penalltitë, mbase më duhet të praktikoj për ta ndryshuar mënyrën nëse portierët m’i kanë mësuar hapat”, tha Pogba pas ndeshjes.
Por, pak ditë më vonë, fituesi i Kupës së Botës është duke e përdorur të njëjtën teknikë për aktivitete në jetën e përditshme.
Francezi e postoi një video në Instagram të martën pasdite, duke ecur te makina në stilin e vrapimit gjatë ekzekutimit të penalltive.
“Ja si shkoj te makina ime”, shkroi ai. /Express/
COMMENTS