Pep Guardiola është nën hetim nga policia spanjolle për “rebelimin” e tij gjatë referendumit të diskutueshëm katalun, sipas raporteve në Kataluni.
Spanja ka pësuar disa muaj pas trazirave, pas vendimit të rajonit autonom për të organizuar një votë për pavarësinë e saj.
Guardiola ka qenë gjithmonë një përkrahës i fortë i Katalunisë dhe kurrë nuk ishte i trembur të fliste për padrejtësinë që ndiente për trajtimin e atyre që tentuan të regjistrojnë votën e tyre për pavarësi.
Mediumi El Nacional zbulon se trajneri i Manchester Cityt është mes një grupi emrash nën hetim për “rebelimin” kundër qeverisë pasi ai lexoi një fjalim pro-pavarësisë tek mbështetësit gjatë një marshimi më 11 qershor.
Një deklaratë zyrtare thotë: “Fjalimi u lexua nga Josep Guardiola dhe u bë kështu për të mobilizuar të gjithë përkrahësit e pavarësisë”.
Referendumi jozyrtar shkaktoi tronditje në Evropë për shkak të trazirave civile që shkaktuan.
Përkrahësit e pavarësisë u penguan me dhunë për hedhjen e votës së tyre nga policia e urdhëruar nga qeveria spanjolle, e cila kishte ndaluar votimin, duke e cilësuar atë si “të paligjshëm”.
Kjo ditë shkaktoi probleme të mëdha në kalendarin spanjoll të futbollit, me Barcelonën e detyruar të luante ndeshjen e tyre në shtëpi kundër Las Palmasit prapa dyerve të mbyllura.
Ajo përfundoi me një fitore 3-0 për katalanasit, por vizitorët nxitën polemika kur luanin me këmisha që mbanin flamurin spanjoll.
Së bashku me Guardiolën, udhëheqësit e partive të ndryshme pro-pavarësisë janë gjithashtu nën hetim, teksa një vendim mund të merret shpejt nga autoritet spanjolle. /Telegrafi/
COMMENTS