Në një ambient modest, por të mbushur përplot me banorë të përkushtuar, kandidati për kryetar të Komunës së Lipjanit nga Lidhja Demokratike e Kosovës (LDK), Imri Ahmeti, u prit me mikpritje të ngrohtë nga familja e madhe Dedushi në fshatin Kraishtë.
Pavarësisht hapësirës së madhe që mezi i zuri të gjithë të pranishmit, atmosfera ishte e jashtëzakonshme dhe shprehje e qartë e respektit dhe mbështetjes për Ahmetin. Familja Dedushi, si gjithmonë, tregoi vlerat e saj të larta duke e nderuar kryetarin me një pritje madhështore.
Ahmeti falënderoi përzemërsisht mikpritjen, duke theksuar se Kraishte ka qenë gjithmonë një shembull i përkushtimit dhe mbështetjes për punën e bërë gjatë viteve. Ai rikujtoi se projektet e realizuara në këtë lokalitet janë dëshmi e një pune të përbashkët, ndërsa vizioni i tij është të vazhdojë me projekte konkrete që përmirësojnë jetën e qytetarëve.
Takime të tilla, sipas tij, janë forca e vërtetë e fushatës, një lidhje e sinqertë me qytetarët, e bazuar në punë dhe besim të ndërsjellë.
COMMENTS