Kryeministri i Shqipërisë, Edi Rama, gjatë një konference të përbashkët me kryeministrin e Kosovës, Ramush Haradinaj, ka thënë se Serbia nuk mund të ketë një fytyrë për Shqipërinë, një tjetër për Kosovën.
Kjo sipas tij, përcjell Telegrafi, është e papranueshme.
“Ndërkohë që Serbia bllokon çdo mall nga Kosova që të hyjë në Kosovë, duan që mallrat e tyre të hyjnë në Kosovë me (mbishkrimin) ‘Kosovë e Metohi’, por ‘Metohinë’ le ta mbajnë për vete”, ka thënë ndër tjerash Rama.
Sipas tij, nëse Kosova e ka kapërcyer të shkuarën, nëse Kosova ka ndërtuar shembullin më të shkëlqyer për minoritetet, që nuk ka minoritet që gëzon në gjithë rajonin. Ashtu që kjo nuk mund të jetë një arsye që Serbia të bëjë viktimën, Serbia nuk është viktimë, Kosova është viktimë”.
“Dhe të mos na tregojnë më shumë përralla edhe miqtë tanë evropianë, ndërkohë që Serbinë vazhdojnë ta përkëdhelin në një formë që është e papranueshme, kjo duhet të jetë reciproke. Për ne Kosova është e pavarur dhe e padiskutueshme, Shqipëria dhe Kosova do të ecin ‘dorë për dore’”, ka thënë ndër tjerash Edi Rama.
Edi Rama ka komentuar edhe debati rreth “ndryshimit të kufijve”.
“Vetëm një gjë po e them – Hashim Thaçi është presidenti i Kosovës dhe komandanti i UÇK-së dhe kush ngre dorën kundër Hashim Thaçit duke e quajtur tradhtar është gomar”.
Sipas Ramës, aspektet tjera janë thjesht çështje strategjike. /Telegrafi/
COMMENTS