Jo vetëm goli i Granit Xhakës ndaj Serbisë, por edhe përgjigja e faqes zyrtare të FIFA-s në rrjetin social Facebook ka qenë e jashtëzakonshme.
FIFA World Cup e publikoi golin raketë të Granit Xhakës ndaj Serbisë të premten mbrëma, por një komentues i quajtur Arkadeep Chakraborty sic duket nuk ishte i mahnitur nga goli i shqiptarit, por ishte thjesht tepër i zënë në kërkim të dashurisë, shkruan Gazeta Express.
Ai komentoi se e dëshiron një të dashur dhe komenti i tij mori mbi 300 pëlqime.
FIFA ishte e shpejtë në reagimin e saj, duke iu përgjigjur atij shkurt dhe qartë: “E keni huqur faqen”.
Përgjigja e FIFA-s u pëlqye nga mijëra ndjekës.
Granit Xhaka shënoi golin e barazimit në e Zvicrës ndaj Serbisë, e cila u siguruar në minutat e fundit nga shqiptari tjetër, Xherdan Shaqiri. /Express/
COMMENTS