Së shpejti fillon rregullimi i objektit social në Magurë

Kryetari i Komunës së Lipjanit Imri Ahmeti, sot gjatë përcjelljes së implementimit të disa projekteve në teren është ndalur edhe në Magurë për të parë nga afër gjendjen e objektit të banimit social në të cilin jetojnë një numër i konsideruar i familjeve.
Kryetari Ahmeti gjatë kësaj vizite ka bërë të ditur se shumë shpejtë do të fillojnë punimet për rregullimin e objektit, duke përfshirë nyjet sanitare, ndërrimin e dyerve dhe dritarëve në mënyrë që banorët të cilët jetojnë në këtë ndërtesë të kenë kushte sa më të mira për një jetë dhe mirëqenie sa më të mirë.