Xherdan Shaqiri mendon se Liverpooli ka nevojë që ta ndërtojë mentalitetin e njëjtë me Bayern Munichun, nëse dëshiron që të fitojë tituj.
Liverpooli arriti deri në finale të Ligës së Kampionëve në stinorin e kaluar, mirëpo u mposhtë nga Real Madridi me rezultatin 3-1 në Kiev të Ukrainës, transmeton Express.
Sulmuesi shqiptar, që luan për Kombëtaren e Zvicrës, erdhi në Liverpool gjatë kësaj vere nga Stoke City, i cili kishte rënë nga Premierliga, mendon se Liverpooli ka nevojë për mentalitet si ish-klubi i tij Bayerni.
“Livepooli ka nevojë për të luajtur me qëllimin e fitimit të titujve”, ka thënë Shaqiri.
“Ne jemi skuadër e madhe, skuadrat e mëdha duhet të luftojnë për tituj”.
“Është e vështirë në Premierligë, sepse ke shumë skuadra të mëdha. Duhet ta kesh një stinor shumë, shumë të mirë për të konkurruar”.
“Në Bayern ata e kanë mentalitetin e vetëm për të fituar tituj. Liverpooli është njëra ndër skuadrat më të mëdha në botë”.
“Duhet të vazhdojmë që të punojmë shumë. Ende jemi skuadër e re. Të jesh i suksesshëm duhet të luash për Tituj. Ky duhet të jetë qëllimi ynë”.
COMMENTS