Në mesditën e 8 shkurtit në Qendrën Klinike dhe Universitare të Kosovës rreth orës 17:00 të pasditës në mënyrë vullnetare ndaloi një grua, shtetase e Britanisë. Me kollitje të lehtë dhe ethe ajo po dyshonte se është prekur nga virusi kinez, ‘corona’. Por rezultatet e bëra nga Instituti i Kombëtar i Shëndetit Publik për këtë rast dolën të jenë negative. Pacientja në fjalë qëndroi në Infektiven e QKUK’së një natë. Ajo në gjendje të mirë shëndetësore u lirua dje nga spitali. Mjekët për Express dhanë detaje për gjendjen e saj shëndetësore.
Një grua nga Britania e Madhe në gjendje thuajse paniku u paraqit në mesditën e 8 shkurtit në Qendrën Klinike dhe Universitare të Kosovës pas dyshimeve se ishte prekur me virusin corona. Ky ishte rasti i parë i cili u bë i dyshimtë për prekje me coronë. Por pas kontrolleve të bëra, rasti rezultoi të jetë negativ.
Gruaja në fjalë disa ditë i kishte kaluar në Francë në një qendër skijimi atje. Por frikë kishte marrë pas marrjes së lajmit se në qendrën ku ishte skijuar ajo, pesë persona ishin prekur me coronë
Megjithatë me kollje të lehtë dhe temperaturë ajo u ekzaminua nga ana e mjekëve të Klinikës Infektive të QKUK’së për një natë. Të dielën me 9 shkurt ajo u lirua për në shtëpi në gjendje të mirë shëndetësore.
Detaje për këtë rast ka dhënë të hënën për Express, mjeku i infektives, doktor Valbon Krasniqi.
“Pacientja një fjalë është liruar gjatë ditës së diel nga Klinika Infektive. Gjendja e saj shëndetësore është e mirë. Ka pasur një koll dhe ftohje të lehtë. Por gjendjen e ka stabile. Ju e dini se ishin dyshimet për coronë, por pas analizave tek kjo paciente, rezultati, rezultoi të jetë negativ”, ka thënë Krasniqi për Express.
Por si nisën këto dyshime dhe çka ndodhi në QKUK gjatë mbrëmjes së 8 shkurtit?
Në mesditën e 8 shkurtit në Qendrën Klinike dhe Universitare të Kosovës rreth orës 17:00 të pasditës në mënyrë vullnetare ndaloi një grua, shtetase e Britanisë. Me kollitje të lehtë dhe ethe ajo po dyshonte se është prekur nga virusi kinez, ‘corona’.
Këto dyshime ajo i kishte bazuar pas një vizite që i kishtë bërë një qendrejeje të skijimit në Francë. Aty ku një ditë më para u paraqitën disa raste me virusin corona.
Me t’u paraqitur pranë Klnikës Infektive të QKUK’së, kjo zonjë u hospitalizua dhe izolua nga ana e infektologëve të QKUK’së. E gjithë kjo deri në marrjen e rezultateve nga mostrat që tashmë ishin dërguar për analizë në Institutin Kombëtar të Shëndetit Publik në Prishtinë.
Ndërkohë në ambientet e QKUK’së, vecse kishin arritur zyrtarë të IKSHP’së por edhe vetë Ministri i Shëndetësisë në Kosovë.
Detaje për rastin u dha disa orë pas dyshimeve për coronë nga vetë ana e IKSHP’së.
“Sot rreth orës 17.00 ka marrë informatë nga Klinika Infektive e QKUK se një paciente me nënshtetësi britanike është referuar nga Qendra Emergjente e Gjilanit për në Klinikën Infektive. Pacientja është staf ndërkombëtar në Kosovë dhe e njëjta ka qëndruar në një qendër skijimi në Mont Blanc, Francë, para disa ditësh. Pacientja është vizituar nge ekipi i infektologëve në Klinikën Infektive në QKUK dhe në aspektin klinik ka pasur ethe të lehta dhe kollitje të lehtë”, thuhej në njoftimin e ISHKP’së.
Por në një prononcim për mediat nga ana e Minsitrit të Shëntësisë Arben Vitia si dhe zyrtarëve të IKSHP’së, e Klnikës Infektive të QKUK’së, u tha se për rezultatet nëse kjo zonjë u prek nga virusi ‘corona’ ose jo, do të duhet që të pritet edhe për disa orë.
Rreth tri orë më pas, diku para mesnatës, Instituti Kombëtar i Shëndetit Publik shuajti frikën duke konstatuar se mas analizave të detajuara, ky rast rezulton të jetë negativ.
Si pasojë, rezultatet laboratorike kanë treguar se pacientja e shtrirë në Qendrën Klinike Universitare të Kosovës nën dyshimet se mund të ishte e infektuar me koronavirus kanë dalë negative.
“Ekipi i Laboratorit të Mikrobiologjisë Molekulare në IKSHPK ka bërë testimin në novel coronavirus (2019 – nCoV) dhe në influencë A dhe B me metodën rRT-PCR. Testi ka rezultuar negativ për të tri analizat, domethënë pacientja nuk është e infektuar me novel coronavirus (2019 – nCoV) dhe me influenza A dhe B”, përfundon njoftimi.
Pacientja e shtrirë në QKUK, ishte shtetase e Britanisë së Madhe e cila vetë kishte shfaqur dyshime se ishte infektuar me virusin e ri.
Koronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë.
Epiqendra e këtij virusi është në qytetin Vuhan të Kinës.
Numri i viktimave në Kinë është rritur nga 86 në ka shkuar në 813 të dielën, sipas autoriteteve./GazetaExpress/
COMMENTS