Shaip Jashari, përfaqësues i një grupi të qytetarëve të Lipjanit ka konfirmuar lajmin për Ulpianapress, duke thënë se protesta do të mbahet në sheshin “Adem Jashari” në Lipjan duke filluar nga ora 17:30 dhe arsyje e kësaj proteste sipas Jasharit është gjendja e mjerimit në të cilën ndodhët shteti i Kosovës.
Deklarata e plotë e Jasharit:
“Kosova Atdheu Ynë”
Grupi i qytetarëve të Lipjanit thërret për pjesëmarrje në tubimin që do të mbahet të shtunën me datën 26.1.2019 duke filluar nga ora 17:30 në Sheshin “Adem Jashari”, për të protestuar paqësisht për gjendjen e mjerimit në të cilën ndodhët shteti ynë.
Motoja e kësaj proteste paqësore është: Kosova Atdheu Ynë.
- Të ngrehim zërin qytetar kundër ndarjes së Republikës së Kosovës.
- Të ngrehim zërin qytetar për gjendjen e mjerueshme në ekonomi, punësim, arsim, shëndetësi, ambient, kulturë, sport e të gjitha lëmit e tjera.
- Të ngrehim zërin qytetar, për gjendjen e mjerueshme dhe shfrytëzimin si skllav të fëmijëve, të rinjve, burrave, garave e pëlqeve.
- Të ngrehim zërin qytetar për gjendjen e mjerueshme të bujkut, punëtorit, pensionistit, çlirimtarëve e të gjitha kategorive të lëna pas dore.
- Të ngrehim zërin qytetar, për një milion arsyeje që kanë sjellë shtetin dhe shoqërinë tonë në ‘Hamletianen’: “Të jesh apo të mos jesh”.
- Të ngrehim zërin qytetar tani për të shpëtuar të tashmen e për të siguruar të ardhmen.
- Të ngrehim zërin qytetar, të marrim në dorë fatin e shoqërisë dhe shtetit, ngase edhe Zoti ju ndihmon vetëm atyre që mundohen.
Një shoqëri pa vizion për të ardhmen është e gjykuar të mos ekzistoi.
Zoti e bekoftë Republikën e Kosovës atdheun tonë të vetëm.
Këshilli Organizativ i protestës”, ka thëne Jashari./Ulpianapress
COMMENTS