Reprezentuesi i Kosovës, Armend Thaqi, i cili u paraqit në miqësoren kundër Letonisë, ka folur për ndeshjen që skuadra e tij, Gjilani, e zhvillon të dielën kundër kampionit në fuqi Trepçës 89. Ai është shprehur optimist se tri pikët nga kjo përballje do mbesin në Gjilan. “Jemi përgatitur maksimalisht, kemi arritur të bëjmë një punë të madhe me ekipin dhe trajnerin. Do mundohemi t’i shfrytëzojmë pikat e dobëta të Trepçës 89” dhe të shënojmë fitore”, ka thënë mbrojtësi i Gjilanit për faqen zyrtare të skuadrës.Më tutje, ai ka theksuar se, ndeshja me Trepçën 89 mund të quhet dhe ndeshja e sezonit, pasi Gjilani ka nevojë të madhe për tri pikët e këtij takimi. “Për ne kjo është ndeshja e sezonit pasi kemi nevojë të madhe t’i fitojmë këto tri pikë dhe ta vazhdojmë të qetë kampionatin. Presim një angazhim maksimal të gjithë ekipit dhe ta fitojmë këtë sfidë”, ka shtuar Thaqi.
COMMENTS