Ua lëshoi me qira terasën Intelektualëve, pronari i ndërtesës fitoi 400 euro

Shumë gjilanas kishin udhëtuar dje drejt Pejës për të parë sfidën mes Prishtinës dhe Dritës.

Për fat të keq, vetëm 100 prej tyre e patën rastin të jenë në stadium.

Shumë tifozë e panë ndeshjen prapa pjesës ku tribuna është e rrënuar, derisa dhjetëra tjerë ishin vendosur mbi një ndërtesë afër stadiumit. Gazeta Olle mëson se pronari i saj, e ka lëshuar terasën për tifozët me qira për 90 minuta.

Ai ka fituar rreth 400 euro.

Dikush fitoi para, dikush fitoi titullin, kështu ishte e diela në Pejë.

Vlen të ceket se Drita dje ka fituar titullin e dytë në histori të klubit – hera e fundit kur ata kishin arritur një sukses të tillë ka qenë viti 2003 (15 vjet më parë).

Drita gjithashtu do të na përfaqësojë në kualifikimet e Ligës së Kampionëve, ndërkaq Prishtina në Europa League.