Po bëhen më shumë se disa muaj që bodrumi i kësaj ndërtese në Lipjan është mbushur me ujëra të zeza.
Nga rreziku i krijimit të ndonjë sëmundjeje dhe nga kundërmimi, banorët tregojnë se një pjesë e tyre tashmë janë duke menduar të largohen nga aty.
‘’Po e shihni edhe ju se cfare gjendje është këtu, ne jemi tu e mendu edhe largimin nga këtu sepse kemi frikën e ndonje epidemie të mundshme’’, tha njëri nga banorët e asaj ndërtese, në kushte anonimiteti.
Banorët thonë se iu janë drejtuar Komunës dhe Kompanisë së Ujësjellësit Rajonal “ Prishtina, me kërkesë për intervenim.
Në komunë, drejtori i Shërbimeve Publike, Ilir Tasholli, ka thënë se ky problem do të zgjidhet mbrenda aftatit kohor një mujor.
“Problemii i kanalizimit në rrugën “Agim Ademi”, dhe të gjitha problemet e tjera, që janë jo vetëm në qytetin e Lipjanit, por edhe fshatrat tjera, ne jemi në fazën përfundimtare të përgatitjes së projektit për zgerimin e rrjetit, aty ku jemi duke e projektuar, dhe presim që brenda një muaji të lidhet kontrata për fillimin e punëve”, ka thënë Tasholli për Ulpianapress.
COMMENTS