Në derbin e javës së 15-të në Premier Ligë ndërmjet Manchester Unitedit dhe Arsenalit nuk ka pasur fitues.
2 me 2 ishte rezultati përfundimtar i takimit të sotëm, transmeton Koha.net.
Mustafi kaloi Arsenalin në epërsi në minutën e 26 pas asistimit nga Torreira.
Pas katër minutash Unitedi arriti të barazojë shifrat përmes Martialit.
Edhe në pjesën e dytë të takimit u shënuan dy gola, me Arsenalin që krijoi sërish epërsinë në minutën e 68 përmes Lacazettes. E pas një minute Unitedi barazoi sërish shifrat.
Ishte Lingard ai që shënoi golin e barazimit në minutën e 69.
Në vendin e pestë Arsenali ka 31 pikë. Kurse Unitedi në vendin e tetë ka 23 pikë.
COMMENTS