Vazhdon hipokrizia e Presidentit Thaçi: Krahason Gjykatën Speciale me Holokaustin

Vazhdon hipokrizia e Presidentit Thaçi: Krahason Gjykatën Speciale me Holokaustin

Pallaska thotë se Vetëvendosja synonte trazira të mëdha për të marrë pushtetin

Zoti Thaçi vazhdon të përqurret nëpër intervista në mediat perëndimore lidhur me Tribunalin Special. Gjetja e tij e fundit është krahasimi i Tribunalit Special me Holokaustin. Sipas tij, gjykimi i kosovarëve është sikur të gjykoheshin hebrenjtë për krimet që nazistët ua kanë bërë atyre gjatë Luftës së Dytë Botërore. Mirëpo, Thaçi harron ta përmendë se është vetë ai që e ka themeluar Tribunalin

Në një intervistë për “Associated Press”, Thaçi ka thënë se kjo Gjykatë Speciale me juridiksionin për gjykimin e të dyshuarve kosovarë për krime lufte ndaj serbëve, është një padrejtësi historike për Kosovën, duke shtuar se Qeveria e e Kosovës e ka pranuar atë me gjysmë zemre dhe me çmimin për lirinë dhe pavarësinë politike të saj.

“Pyetja dhe krijimi i një Gjykate për krime lufte të kryera kinse nga kosovarët, është njësoj si të kërkosh një Gjykatë për hebrenjtë e persekutuar gjatë kohës së nazizmit”, deklaroi Thaçi.

“Kosova ka zhvilluar një luftë mbrojtëse për ekzistencën e vendit dhe nuk e ka sulmuar askënd”, shtoi Thaçi në këtë intervistë.

Në këtë pjesë të kësaj interviste të Thaçit e botuar në “Washington Post” përmendet edhe lufta e Kosovës për pavarësi, si dhe intervenimi i NATO-s më 1999, që i dha fund agresionit serb në Kosovë.

COMMENTS

Error, group does not exist! Check your syntax! (ID: 11)