Nexhat Haziri, analisti politik, përmes një shkrimi në Facebook, ka thënë se sipas pohimeve të dëshmitarëve edhe gazetari Ismail Bërbatovci, njëherësh edhe veprimtar i LDK-së, para se të zhdukej ishte parë në mesin e të burgosurve në Burgun e Kleçkës.
Sipas Hazirit, gazetari Bërbatovci ishte ndaluar nga UÇK-ja, më 23 korrik të vitit 1998, në Blinajë në bazën e UÇK-së të Zonës së Nerodimes.
“Qëllimi i shkuarjes së gazetarit Ismail Bërbatovci në bazën e UÇK-së, ishte realizimi i një interviste të dakorduar ditë më pare”, tregon mes tjerash Haziri.
Kujtojmë se Ismail Bërbatovci ishte gazetar, profesor i gjuhës shqipe dhe veprimtar i LDK-së.
Ja shkrimi i Hazirit:
Burgjet e UÇK -së, një krim i pandëshkuar (3)
Sipas pohimeve të dëshmitarëve, edhe gazetari Ismail Berbatovci,(veprimtar i LDK-së) para se të zhdukej (ekzekutohej) ishte parë në mesin e të burgosurëve në Burgun e Kleçkës, për t’u mos u kthyer më kurrë. Gazetari Berbatovci ishte ndaluar nga UÇK -ja më 23 korrik të vitit 1998 në Blinajë në bazën e UÇK-së të Zonës së Nerodimes, ku komandant zone ishte Shukri Buja, tashmë i intervistuar nga Gjykata Speciale si i dyshuar për krime lufte.
Qëllimi i shkuarjes së gazetarit Ismail Berbatovci në bazën e UÇK-së, ishte realizimi i një interviste të dakorduar ditë më parë. Në një rast kur Shukri Buja (një nga eksponentët e lartë të PDK-së pas lufte), është pyetur për rastin një fjalë, kishte mohuar se në zonën ku ai ishte komandant të jetë zhdukur ndonjë gazetar. KOHA PËR DREJTËSI ! (n.h)
COMMENTS