Policia polake po heton një thertore të dyshuar për trafikim të paligjshëm të bagëtive të sëmura, e cila është filmuar fshehurazi.
Zyrtari kryesor veterinar i Polonisë thotë se videoja e transmetuar nga TVN 24, zbulon “veprimtari të paligjshme, pasi masakra kryhet me qëllim natën, në mënyrë që të shmanget mbikëqyrja zyrtare”.
Në videon e denoncuar në televizionin polak, tregohen lopët e sëmura, të cilat theren më pas nga punëtorët në thertore.
Nuk është e qartë se ku ka shkuar mishi.
Denoncimi është potencialisht serioz për BE’në, sepse në vitin 2013 skandali i mishit të kalit përfshiu 16 vende.
Skandali shkaktoi kthimin e produkteve, pasi zyrtarët u përpoqën të gjurmonin mishin e dyshuar.
Vendimi erdhi pas zbulimit se etiketa e ushqimeve te shituara në Europë dhe Britaninë e Madhe kishte te shkruar mish kau, ndërsa përmbajtja e tyre ishte nga 60%- 100 % mish kali.
COMMENTS