U përpoq një vit më parë por nuk pati sukses të përfundonte sfidën me veten, por Yane Petkov, një instruktor noti nga Bullgaria, nuk u dorëzua.
Më 24 korrik ai notoi për 3380 metra në liqenin e Ohrit në Maqedoni, me duart e këmbët e lidhura dhe i futur brenda një thesi, për të rifituar rekordin Guiness që e humbi rreth 5 vite më parë.
64-vjeçari thotë se synonte të notonte për 3.5 km. Iu deshën rreth tre orë për të notuar para se të dilte në breg në Ohër.
Më herët Petkov kishte vendosur rekordin 2030 metra po në Ohër, por e mbajti për vetëm tre muaj, nga shtatori në dhjetor 2013, kur një indian përshkoi 3071 metra nga Oqeani Indian. Megjithatë ai nuk notoi i lidhur në një thes./tch
COMMENTS