Ftesës së kryetarit të Partisë Demokratike të Kosovës, Kadri Veselit, për tryezë diskutimi me qëllim arritjen e konsensusit politik për agjendër shtetërore të Kosovës nuk i është përgjigjur ende as partneri i koalicionit, Aleanca Kosova e Re.
Kryetari i AKR-së, Behgjet Pacolli, ditë më parë kishte deklaruar se strategjitë e liderëve politik për konsensus në temat e mëdha nacionale nuk po janë të frytshme dhe nuk po sjellin diçka konkrete për Kosovën.
Ndërkaq sot, Sekretari i përgjithshëm i AKR-së, Vesel Makolli, tha për lajmi.net se një qëndrim i tillë nuk i është thënë atij nga kryetari i partisë së tij, e megjithatë ende nuk dihet se nëse do të marrin pjesë në tryezën e nesërme të thirrur nga Veseli.
“Presidenti(kryetari i partisë) është në Bangladesh, nuk kam kontaktuar me të, kam lexuar deklaratat në media të zotit Pacolli se këto tryeza nuk janë të frytshme, mirëpo këtë nuk e kam ndëgjuar prej tij kështu që nuk mund të themi asgjë”, u shpreh Pacolli për lajmi.net.
Nga ana tjetër, shefi i grupit parlamentar të PDK-së, Memli Krasniqi, deklaroi për lajmi.net se ftesa i është dërguar të gjitha partive, mirëpo nuk është në kompetencë të PDK-së të flasë për vendimet e partive të tjera.
“Ftesën e kanë marrë sepse ua kemi dërguar javën e kaluar, ndërkaq që për vendimet e tyre nuk do të përgjigjem sepse nuk i përfaqësoj ata”, deklaroi Krasniqi.
Ndryshe, ftesa e PDK-së vije pas mbajtjes së tryezës së parë të përbashkët të partive politike të organizuar nga Lidhja Demokratike e Kosovës, në të cilën morën pjesë të gjitha subjektet parlamentare në vend./Lajmi.net/
COMMENTS