Granit Xhaka ka pësuar një lëndim që duket të jetë serioz, por ky fakt i ka gëzuar serbët, duke marrë parasysh se Serbia gjendet në të njëjtin grup me Zvicrën në Kupën e Botës “Rusia 2018”. Lajmin për lëndimin e Xhakës e kanë publikuar mediat kryesore serbe.
“Njëri nga futbollistët më të mirë të Përfaqësueses së Zvicrës ka pësuar lëndim serioz dhe me shumë gjasë nuk do të jetë në Kupën e Botës në Rusi. Mediet zvicerane njoftojnë se Granit Xhaka ka përfunduar në spital pas lëndimit që e pësoi në stërvitje, ndërsa shokët e ndihmuan të largohej nga fusha”, shkruajnë mediet serbe.
Xhaka e ka lënduar gjurin e majtë dhe sipas prognozave të para nuk do të jetë në gjendje të luajë në Kupën e Botës. Zvicra dhe Serbia do të takohen më 22 qershor në Kalinigrad.
COMMENTS